Temu budaya betawi 2

Temu Face Booker Betawi dengan Tokoh Budaya Betawi

Dari semue nyang hadir Temu Budaya Betawi Post ame tokoh2 Budaya Betawi,kayaknye saye nyang girang banget2.. gak percaye kalu kite nyang mahluk ghaib (maya) bisa wujud nyata dan kenalan trus silaturahmi dan bisa dapet bekal dari Dato H.Ridwan Saidi (gak gampang berurusan dan minta elmu pada beliau=beruntung deh Betawi Post). Terime kasi buat semue nyang hadir mao kenalan, mao ngumpul dan kongkow sambil dengerin orang2 berelmu bicare.

Terime kasi khusus buat Dato H.Ridwan Saidi, juga buat Bang Amir Hamzah (tokoh Senior LSM di Jakarta), Bang Racheem nyang kerjenye di denes pariwisata dan kebudayaan DKI Jakarta, buat bang MH Hamdan dari Pusat Study Betawi UNAS, buat Bang Heryus (nyang kerjenye di majalah), buat Chairil Gibran Ramadhan (sastrawan dari Betawi) nyang kritisi sual kite ber-pesbuk, Bang Uwo nyang selalu sukses bikin Festival Palang di Kemang, buat Bang H.Eddy Yusuf dari POB, Bang aji Sofyan, nyang kesel kalu Betawi di-macem2in, juga buat semue2..abang mpok semuenye (nyang namenye ade/nongol terus di pesbuk) khususnye nyang hadir tadi di Setu Babakan (saye arep nyang gak bisa hadir kudu nyesel)... Ayooo maju lagi dan lagi Betawi kite melalui Betawi Post... akhirnye kate saye Betawi Post “IS THE BEST”.... Terdepan di Tana Betawi, khususnye di dunie maya….

Juga saye ucapin terime kasih buat temen2 dari mane aje, pribadi mapun kelompok laen nyang simpati dan perduli kepada Betawi supaye kite sama2 berbuat untuk men-jayakan Nusantara, baik dari kepribadian Nusantara, Budaya Nusantara dan harga diri Nusantara dimane Betawi merupakan bagian penting dari sejarah Bangsa Nusantara..… terima kasih. (catetan Mathar.M.Kamal di Setu Babakan, Sabtu,14 Mei 2011 sore)

(NYOOOOK KITE MULAIN NULIS CERITE KITE SENDIRI)

Kelar acara pertemuan Grup Face Book Betawi Post kite masi kongkow ngerumusin niat dan rencane kegiatan Betawi Post buat selanjutnye. Nyang utama adalah, kite berarep ame semue sodare2 kite kalu ude bosen ngocol, nulis asal ngejeplak atawa cuman nulis ape adanye.. besok dan seterusnye mao mulain nulis nyang rada keren dan memiliki nilai kreatif. Kate CGR gak perlu semue jadi sastrawan atawa budayawan, tapi cukup dengan nulis nyang serius dikit tentang hidup dan kehidupan di Betawi sebage orang Betawi. Misalnye tentang keluarga sendiri sebage keluarga Betawi

Kite sepakat, mulain besok sodare2 kudu mao nulis tentang kampung, baek kampung kelahiran maupun kampung nyang sekarang didiemin. Kalu tiap anggota BETAWI POST bisa nulis satu halaman, pan bisa lebi deri serebu halaman. Hebat tuuuuh… mao gak mulain nulis dan kirim ke Betawi Post ??

Ape tulisannye ? Ape aje nyang utama tentang ape nyang dirasain, dialamin, diliat, dipikirin disekitar kampung sendiri. Misalnya silsilah dari ngkong-nyai atawa keatas lagi (kalo ade datanye) dengan nyak-babe dan sodare2 dalem keluarga. Bisa juga sual nyang diketahui sekitar permaenan masi kecil, sual kebon2 disekitar kampung.. Atawa keadaan dan peristiwa dikampung kendiri.. Juga bole ceritain sual ade BENGKONG yang hebat kalu nyunatin, bisa sual dukun beranak sebelon ade bidan dan laen-laennye deh.. kumplitin aje… PASTI KITA BISA kalo tibang satu dua halaman ketik.

Kalu bisa, pan ujungnye bisa ngerangkai tentang Betawi dan Jakarta berdasar kisah nyata… Paling gak kalu masing-masing nulis sual kampung2nye terus digabung jadi satu pan keliatan tuh Betawi dan Jakarta-nye. Ditungguin ame Bang Jampang,Mpok Diah dan CGR yang bakalan ngedit, saye usahe nyari sponsor buat nerbitin karya keroyokan dari temen2 Betawi Post supaye bisa jadi buku. Gimane ?? Bisa besok mulain kirim kisah tentang diri dan kampung masing-masing ???? Kayaknye ditungguin ame Betawi Post…. (Mathar.M-Kamal di Setu Babakan, Sabtu,14 Mei 2011 sore).. By  Ahmad Mathar Kamal

Lihat album   TEMU BUDAYA BETAWI  klik pada gambar :
  

20.19 | 0 komentar | Read More

Kumpul Perdana Betawi Post

Betawi Post merupakan salah satu komunitas betawi yang ada di grup Facebook. Awal mula terbentuknye adalah dari adanye niat beberapa anak betawi yang pengen memberikan kontribusi buat betawi, biarpun gak banyak minimal dari segi pemberitaan seputar Betawi atau Jakarta. Sampe sekarang grup eni sudah beranggotakan 800 orang.

Merespon usulan dan keinginan dari abang n mpo supaya kita bisa kenal lebih jauh, akhirnya dapat diadakan kumpul perdana atau istilah yang lagi ngetrend, kopdar (kopi darat).

Makasih banyak buat bang Jampang & mpo Ida sekeluarga yang udah mau repot bikin acara eni.

Harapan ke depan, semoga kumpul-kumpul Betawi Post berikutnya dapat lebih memberikan manfaat kepada masyarakat Betawi pada umumnya & warga Betawi Post pada khususnya.

11.42 | 0 komentar | Read More